Sælir félagar,
Á morgun, laugardag, höldum við í magnaða ferð til að spila við Magna Grenvík.
Hópurinn er: Andri Valur, Ágúst Freyr, Bjarni P, Bjarni Þ, Daði, Dóri, Guðni, Hannes, Krissi, Leon, Pétur, Stebbi og Sveinn Tjöri. Teddi H er að skoða möguleikann á að koma með, það væri snilld að fá hann með.
Mæting er 7:45 á N1 Ártúnshöfða. Þar munum við raða í bílana og leggja af stað norður.
Þeir sem fara á bíl eru:
Lalli : 8975306
Halldór: 8485429
Daði: 8404145
Sveinn Tjörvi: 6901861
Það er ekki vitlaust að menn hringi í einhverja af þeim sem fari á bíl og biðji þá um að pikka sig upp í fyrramálið áður en við hittumst uppá Ártúnshöfða.
Ferðin í hnotskorn:
7:45 Mæting á N1 Ártúnshöfða, menn kaupa sér smá nesti í ferðina.
8:00 Lagt af stað norður
Stoppað á Blönduós eða Varmahlíð
12:30-13:00 Dettum inná Akureyri. Menn fá sér að snæða og kíkja í ÁTVR til að birgja sig upp fyrir kvöldið. Þurfum einnig að fá lykla að íbúðinni og hægt verður að henda einhverju dóti þangað inn.
14:00-14:30 Lagt af stað til Grenivíkur
16:00-18:00 Tökum 3 stig á móti Magna
19:00 Hannes hefur boðið okkur í bústað eftir leik, sem er á leiðinni til AK City. Þar munum við grilla og sötra öl og hafa gaman. Leon verður með sögur og Bjarni Þ spilar Prodigy. Síðan verður haldið í miðbæ Akureyrar og bærinn málaður í KFG litunum.
Sunnudagur: Brunað heim í bæinn þegar menn hafa náð áttum eftir laugardagskvöldið.
Við erum með gistingu fyrir 10 manns á gistiheimilinu Gula Villan sem er bara við hliðina á sundlauginni. Við eigum að vera með uppábúin rúm þannig að það er óþarfi að taka með svefnpoka eða eitthvað þannig álíka.
Þetta verður vægast sagt mögnuð ferð.
Vinsamlegast kommentið við þessa færslu að þið hafið séð ferðatilhögun og að allt sé 100% klárt hjá ykkur.
kveðja,
þjálfarar